الكبده الاسكندراني

وصفه أسكندرانيه اصيله بكل تكاتها الكبده الاسكندراني

المقادير :

• - نصف كيلو كبده مقطعه شاورما أو مكعبات

• - فلفل حامى و فلفل رومى 

• - ملح و كمون و كزبره ناشفه

• - رأس ثوم متوسطه مفرومه

• - معلقه كبيره خل

• - عصير ليمونه

الطريقه :

• - الكبده الأسكندرانى مش من أساسياتها الفلفل الألوان و البصل هى أساسها الثوم و الفلفل الحامى و   بلاش نضيف فلفل أسود علشان بيغمق الكبده ممكن نضيف شطه يكون أفضل

• - فى طاسه على النار هضيف شويه زيت و أشوح فيهم الثوم المفروم و أسيب منه معلقه صغيره على جنب و الثوم يدوب ياخد تقليبه بسيطه و أضيف معلقه الخل و عصير ليمونه و هنزل بالكبده و لازم يكون الزيت سخن علشان متفقدتش عصارتها و بعد ما أضيف الكبده مش هقلبها خالص لأنى لو قلبتها هتنزل عصارتها كلها و هتبقى ناشفه و هتاخد وقت فى السوا فبسيبها تاخد صدمه الأول على النار و أول ما لونها بيكون بنى فاتح بقلبها بعد كده براحتى و أتبلها بالكمون و الكزبره الناشفه و أقلب و بعد كده هضيف الفلفل الحامى و الملح و أقلب و مش بضيف الفلفل من الأول علشان مش عاوزاه يدبل خالص و بضيف معلقه الثوم المفروم و بقلب بتدى طعم و ريحه حلوه أوى للكبده و فى الأخر بضيف عصره نص ليمونه قبل ما أطفى عليها و مبتاخدش 10 دقايق على النار                                            وكلي احلي كبده اسكندراني      بالهنا والشفا

نصيحه علشان البصل بتاع الكشري يكون ناشف حطي معلقتين نشا للبصل وقلبيهم مع البصل كويس قبل ماتحمريه

مع تحيات / أم نور المصريه